Urriaren 1ean hasita, astelehenero egongo da aukera zenbait euskal dantza tradizionaleko zenbait jauzi ikasi eta entseatzeko, Gautxoriak elkartearen eskumenez. Talde bi egongo dira aurten dantza-txokoan, bata hasiberrientzat eta bestea hobetu gura dutenentzat.
Euskal plaza-dantzakaz gozatzeko aukera egongo da ikasturte honetan ere Erandion. Urriaren 1ean egingo dute lehenengo saioa, eta hortik aurrera astelehenero egongo da aukera dantzak ikasteko edo dakitenek entseatzeko. Hasiberrientzako ordutegia 18:00etatik 19:30era izango da, eta hobetu gura dutenentzakoa, 19:30etik 21:00era artekoa.
Sasoi bitan egongo dute ikastaroa: urritik abendura eta urtarriletik ekainera. Izena emateko Gautxoriak elkarteagaz harremanean jarri beharra dago, 679 353 690 telefono-zenbakira deituta edo dantzatxokoa@gmail.com posta elektronikora idatzita. Dantza-saioak Merkatu Zaharreko eraikinean egingo dituzte, eta Haizea Hormaetxea izango da irakasle eta gidaria.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun
