Pertsona bat arin zauritu da gaur goizean Erandion izandako auto-istripuan. Ezbeharra 07:20an jazo da, BI-637 errepidean, Galdakaorako noranzkoan zihoazen bost autok talka egin dutenean.
Goizeko ordu horietan handia izaten da ibilgailuen joan-etorria, eta, hori dela eta, pilaketak sortu dira Arrontegiko zubian, A-8 autobian eta Enekuritik Txorierrira jaisteko igarobidean, Eusko Jaurlaritzako Segurtasun Sailak jakinarazi duenez.
09:10erako, ibilgailuak bidetik kendu dituzte, baina pilaketak zeuden Txorierriko igarobidean, Arrontegiko zubian, A-8an eta Enekuritik Txorierrira jaisteko errepidean. 10:30 aldera auto-ilara amaitu da, Trafiko Zuzendaritzak jakinarazi duenez.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!