Interesdunek gura duten jostailu-kopurua eroan ahal izango dute datorren eguaztenera arte, abenduaren 19ra arte, Ganemos Erandiok Altzagan daukan lokalera, Nafarroa Behera kaleko 1. zenbakian. Horretarako aukera izango da datorren asteko astelehenetik eguaztenera, 11:00etatik 13:30era. Halere, telefonoz ere lotu daitezke jostailuen dohaintzak, honako zenbakira deituta: 688 684 032.
Ganemos Erandio plataformak "Hemen denok jolastuko dugu" kanpaina abiatu du, Erandioko elkarteentzako jostailuak batu eta "Gabonetan, neska-mutil bat ere gera ez dadin jostailu barik". Iaz egin zuten lehenengo aldiz eta lortutako arrakasta dela eta, aurten ere egingo dute.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun