Egitasmo berri bat antolatu du Erandioko Udalak: euskarazko irakurle-taldea. Katixa Agirre idazle arabarrak egingo du lehenengo solasaldi literarioa hilaren 21ean, Altzagako udal liburutegian, 19:00etan.
Saioa Iñigo Astiz kazetariak gidatuko du, eta idazle arabarragaz batera 2016an Zubikarai saria jaso zuen Amek ez dute narrazioa aztertuko dute.
Hilean behin egingo dituzte berbaldiak. Hala ere, ez dituzte beti idazleak eroango, Ana Hernandez Udaleko Hizkuntza normalizatzaileak esan digunez, publikoaren parte-hartzea sustatzeko.
Edukiera mugatua izango da, eta izena emateko deitu 944890128 telefonora edo euskara@erandio.eus helbidera mezu bat bidali beharra egongo da.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!