500 edukiontzi berri ipiniko dituzte Erandion

Zabor-ontziak Altzagan.

Udalak 500 edukiontzi berri ipiniko ditu Erandioko hainbat puntutan. 200.000 eurokoa izango da horretara bideratuko den aurrekontua.

2.200 eta 3.200 litroko edukiera izango dute zaborrontziek. Metalekoak kendu eta polietilenoz egingo dituzte berriak. Mantentze-lanak kontratatutako enpresaren esku utziko dituela adierazi du Udalak.

Horrez gain, “irisgarritasuna hobetzeko” pedal eta irekitze-palanka eduki beharko dituzte edukiontziek. Lau urterako proiektua da eta udal-iturriek adierazi dute “amortizazioa berreskuratzeko” formula onena hautatu dutela.

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun