Kirol-ekipamendua eraikitzeari ekin diote Bekoa Ikastetxearen ondoan

© ERANDIOKO UDALA

Erandioko Udalak iragarri du kirol eta osasun-ekipamendua eraikitzen hasi direla, Bekoa ikastetxearen ondoan. Kanpoaldean multikirol-pista eraikiko dute.

“Ikastola eta haurreskolan dituzten beharrak aseko ditu kirol-ekipamendu berriak”, adierazi dute udal-iturriek. Hala ere, Bekoako ikasleek eskola orduetan erabili ez ezik, beste erandioztarrentzat ere baliatuko dutela iragarri dute.

400 metro koadroko azalera izango du eraikinak, eta Udalak adierazi duenez, “Erandioko 10.500 biztanleentzat” izango da erabilgarria. 162.000 eurokoa izango da horretara bideratuko den aurrekontua.

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun