Erandiogoikoako San Jose auzoa berritzeko lanei hasiera emango diete uztailaren 8an. Denera bi milioi eurotik gorako kostua izango duen proiektu handi baten lehenengo fasea izango da astelehenean abiatuko dena. Udalak iragarri du neurriak hartu dituela eragozpena ahalik eta txikienak izateko, oso obra handia izango da eta.
Lanen lehenengo fasean, norabide bakarreko bidea egitea eta espaloia zabaltzea da asmoa, hala nola saneamenduko eta ur-hornidurako sarea berritzea, fatxadetako argiteria eta telefono-hariak kentzea eta ordezkatzea, eta hainbat gunetan loreak eta hiri-altzariak ipintzea.
Horrez gainera, asfaltatu egin dute jaietan barrakak egoten diren gunea, bertan autoak aparkatu ahal izateko. Udalak adierazi duenez, "badakigu lanek eragozpenak eta kalteak sortuko dizkiela auzokideei. Horregatik, neurri batzuk hartu ditugu eragozpenak minimizatzeko eta lanak egiteko epeak laburtzeko. Lan konplexuak izango dira, baina beharrezkoak bertakoen zein bisitarien bizitza-kalitatea hobetzeko".
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun
