Barikuko 19:30ean San Lutxanineri ongietorria eman eta ia berehala hasiko dira lutxanarrak lehian, mus-txapelketa jokatuko baitute egun horretan bertan. Ez da izango lehiaketa bakarra, aste-akabuan zehar tortilla, paella eta indabak nork hoberen prestatzen dituen neurtuko baitute, igel-tokan jarduteaz gain, besteak beste.
Musikari dagokionez, Xaiborren erritmoa izango da jaien hasiera girotuko duena; zapatuan, berriz, Eztanda taldearen kontzertua izango da, eta ondoren, ordu txikietara arte, La Banda del Cowboyren emanaldia. Domeka eguerdia bestelako doinuez gozatzeko momentua izango da, Erandioko Udal Musika Bandak eta Mendibaiarte abesbatzak jardungo baitute jende aurrean. Azkenik, txokolatea janez eta San Lutxanin errez amaituko dira jaiak, domeka iluntzean.
Lutxanako jaien egitarauaren berri izateko, deskargatu gure app-a, doakoa da!
Android sistemarako:
https://play.google.com/store/apps/details?id=acvmultimedia.hiruka&rdid=acvmultimedia.hiruka
iOS sistemarako: