Aurrekontu irekiak

Herritarren 380 ekarpen jaso ditu Udalak

Udalak laugarren urtez eman du aukera herritarrek aurrekontuei begirako proposamenak egiteko.

2020ko aurrekontu irekien prozesuaren gaineko hainbat datu zabaldu ditu Erandioko Udalak. Denera, 168 herritarrek egindako 380 ekarpen jaso dituzte.

"Laugarren urtez jarraian, Udal Aurrekontuak kontsultatzeko denboraldia abian jarri da", adierazi du Erandioko Udalak azaroko kultur agendagaz batera argitaratu ohi duen albiste-bildumatxoan. 

Azaldu dutenez, honakok izan dira herritarrengan kezka handiena eragin duten gaiak:

  • Bide publikoak hobetzea
  • Instalazioak eta zerbitzuak hobetzea
  • Maskoten ugazaben gizatasun eza
  • Berdeguneen eta lorategien garrantzia, eta parkeak hobetzea
  • Bidegorri-sarea
  • Aparkalekuak, garraio publikoa eta auzoen artean konektatzeko bide seguruak
  • Altzagako merkatu berria
  • Mendiguren plaza, Meso kalea eta saneamenduak birgaitzea Erandiogoikoan
  • Landa-eremua