Erandioko Udalak panel interaktibo bi kokatu ditu itsasadarraren ertzean, bana Altzagan eta Astrabuduan, besteak beste oinezkoei herriko komertzioen berri emateko. Klik eginez, herriko denden, enpresen eta farmazien gida eskura izango du erabiltzaileak, eta turismoaz, garraioaz eta kultur agendaz ere informazioa eskuratu izango da.
Aitziber Oliban alkateak azaldu duenez, erandioztarrei zerbitzua ematea ez ezik, bertatik igarotzen diren oinezkoentzat amua izatea da helburuetako bat. Horregatik ipini dituzte panelak itsasadarraren inguruan; "Bilbo eta Areeta bitartean paseoan edo kirola egiten ibiltzen da jende ugari, eta panelen bidez Erandiora sartzera gonbidatu gura ditugu".
Panela ukitzean, erabiltzaileek interesatzen zaien komertzioaren, farmaziaren edo dena delakoaren gaineko informazioa eskuratu eta bluetooth bide horren lokalizazioa izango dute mugikorrean.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
