Erandioko Udaleko zinegotzi Ana Crespo zenari omenaldia egingo diote abenduaren 15ean, 13:00etan hasita. Luzaroan izan da Crespo EH Bilduren eta, lehenago, ezker abertzalearen zinegotzia. Azken etapan, 2015etik zegoen karguan.
Abenduaren 3an hil zen Crespo, Gurutzetako ospitalean, 52 urte zituela. EH Bilduko kide modura bigarren legealdia hasi berria zuen, baina eskarmentua bazuen lehenagotik ere zeregin horretan. Zehazki, ezker abertzalearen zinegotzia izan zen, hainbat siglari lotuta, 1992tik 2003ra arte; hau da, Batasuna, Euskal Herritarrok eta HB legez kanpo utzi zituzten arte.
Bere argazkia eta izena udal-webgunean ageri dira oraindino lerro hauek idazteko momentuan, Udalbatzako kideei dagokien atalean.
Crespo gogoratzeko herri-omenaldia Irailaren 23a plazan egingo dute, Udaletxearen aurrean.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun
