Erandioko Udalak jakinarazi du amaitzear dagoen urtean Gizarte Larrialdietako Laguntzetako (GLL) 515.948 euro banatu direla udalerriko 344 familiaren artean; horietatik 132.816, Udalak berak emanda, eta gainerako 383.132ak Eusko Jaurlaritzak. 23 eskatzaileri ez zaie laguntzarik eman, baina Udalak azpimarratu du "baldintzak betetzen dituen inor ez dela geratu jaso gabe".
Erandioko 3.046 familiak jaso dituzte GLLak 2011 eta 2019 bitartean, Udalak azaldu duenez: "Krisiak larriagotu egin du babes gutxien daukaten pertsonen egoera, eta Eusko Jaurlaritzaren ekarpenei esker arindu da egoera hori (hark du eskuduntza arlo horretan), Erandioko Udalak emandako ezohiko laguntzakaz osatuta".
Aurtengoari dagokionez, premia handiko egoerei aurre egiteko 37 eskakizun izapidetu dira, eta 58.000 euro erabili dira mota horretako laguntzetan.
Hainbat laguntza mota eman dira, zehaztu dutenez. Esaterako, betaurrekoak edo audiofonoak erosteko; dentistari ordaintzeko; ura, argindarra edota gasa ordaintzeko; edo hipotekei eta alokairu-gastuei aurre egiteko.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun
