Twitter bidez zabaldutako mezuan, Astrabuduako jai-batzordeak adierazi du aurtengo sanlorentzoak antolatzeko egindako urteko lehenengo batzarrera joandako jende-kopuruagaz ezinezkoa izango dela egin beharrekoak aurrera eroatea.
"Jarraitzen dugunok betiko gogoak dauzkagu, baina jasan ditugun bajak direla medio, oso esku gutxi dira hainbeste lanerako", esan dute. Ataka horretatik irten guran, herritarrei dei egiten diete jai-batzordean parte hartzeko. Datorren martitzenean, urtarrilak 28, batzarra egingo dute Josu Murueta Kultur Etxeko ekitaldi.aretoan, eta batzen den jende-kopuruaren arabera erabakiko dute aurtengo jaien antolakuntzari ekingo dioten ala bertan behera utziko duten. Bilera 19.00etan hasiko da.