Erandioren gaineko galdera-jokoa antolatu du Udalak, Instagram bidez

"Udalerria sakonago ezagutzea eta berrogeialdian gure herriaz ikasten dugun bitartean ondo pasatzea". Helburu horregaz antolatu du Erandioko Udalak Instagramen zabalduko duen galdera-jokoa, #ErandioEzagutu, apirilaren 27tik maiatzaren 8ra iraungo duena. Egunero zortzi galderari erantzun beharko zaie. 

Udalak azaldu duenez, adierazitako datetan egunero, astelehenetik barikura eta 10:00etatik aurrera, zortzi historia igoko dituzte euren Instagrameko kanalera (@erandioko_udala), eta horietako bakoitzean galdera bat egongo da. Erantzuteko 24 orduko epea emango dute, hainbat aukeraren artean bat hautatuz.

Erantzun gehien asmatzen dituzten bost lagunek sari hauen arteko bana aukeratu ahal izango dute:

  • Netflixen bonua
  • Puzzleak edo mahai-jokoak
  • Liburu digitaletarako bonua 
  • Liburuetarako bonua
  • Margotzeko edo eskulanak egiteko kit-a
  • Sukaldean jarduteko osagaiak
  • Karaokea
  • Gimnasia egiteko kit-a 
  • Spotify Premium entzuteko bonua
  • Online ikastaro bat

Horrez gain, beste bost sari zozkatuko dituzte parte hartzen duten guztien artean.

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun