Udalak kale-garbiketa indartuko du konfinamendua lasaitzeagaz batera

© ERANDIOKO UDALA

Maiatzean hainbat neurri hartuko ditu Erandioko udal-gobernuak kale eta txokoak garbitzeko, iragarri dutenez. Besteak beste, sakoneko garbiketa egingo dute erdigune nagusietan.

"Konfinamendua lasaitzearekin batera", udalerriaren txukuntzea indartzeari ekingo dio Udalak, iragarri dutenez. Alde batetik, espaloi, galtzada eta oinezkoentzako guneetako belarrak kenduko dituzte Altzagan, Astrabuduan, Lutxanan eta Erandiogoikoan. Gainera, tratamendu berezi bat erabiliko dute lurzoruaren garbiketa sakona egiteko Altzagako erdigunean (Irailaren 23a plazaren inguruan eta oinezkoentzako guneetan), eta Astrabadukoan (Mendiguren eta Josu Murueta plazetan, besteak beste).

Bestalde, horma publiko eta partikularretan dauden pintadak eta graffitiak kenduko dituzte. Garbiketa hori Astrabuduan, Altzagan, Lutxanan eta Erandiogoikoan egingo dute.

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun