COVID-19a dela eta San Agustin jairik egingo ez den arren, urteroko bertso-saioa mantentzea erabaki du Erandioko Berbots euskaltzaleen topaguneak. Abuztuaren 30ean egingo dute, domekan, 18:00etan hasita, eta Irailaren 23a plazan. Ikusle-kopurua mugatua izango da, segurtasun-arauak betetzeko.
Alaia Martin, Julio Soto, Inazio Vidal eta Iker Zubeldia izango dira bertsolariak, eta Beñat Vidalek egingo ditu gai-jartzaile lanak. Saioa 18:00eta hasiko bada ere, 17:30ean joateko gomendatu dute, apurka-apurka ikusle denak plazara sartzeko.
Edukiera mugatua izango denez, zapatua baino lehen izena emateko eskatu du Berbotsek. Horretarako, 621 270 546 telefono-zenbakira deitu edo berbots@gmail.com posta elektronikoko helbidera idatz daiteke, zenbat lagun joango diren zehaztuz. Domekan bertan zenbakiak banatuko dira, bakoitza dagokion aulkian jesartzeko. Derrigorrezkoa izango da maskara jantzita eroatea.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun
