Musika Eskolan azken matrikulazioak egiteko epea zabalduko dute datorren martitzenean

Irailaren 1etik 11ra egongo da zabalik Erandioko Musika Eskolako azken lekuetarako matrikula egiteko epea. Akordeoia, biolina, biolontxeloa, saxofoia eta klarinetea ikasteko eman daiteke izena, baita Musika eta Mugimendua ikasgaia hartzeko ere (4-6 urte bitarteko umeentzat).

Izena emateko, Udalaren Facebook orrian ipini duten orri hau bete beharra dago.

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun