Koronabirusa Uribe Kostan

Ignacio Aldekoa ikastetxeko gela bi itxi dituzte koronabirusa dela eta

Lehen Hezkuntzako irakasle batek eta ikasle batek positibo eman ondoren, Astrabuduko Ignacio Aldekoa eskolako gela bi itxita daude, eta horietan ibiltzen diren ikasleak (42 denera) eta irakasleak euren etxeetan konfinatuta, hainbat hedabidek argitaratu dutenez. Joan den eguenean izan zuten irakaslearen positiboaren berri; egun horretan ez zen lanera joan, bezperatik ondoezik baitzegoen, eta handik ordu batzuetara baieztatu zen COVID-19 duela. Ikaslearen positiboa, berriz, barikuan ezagutu zen.

Etxera bidalitako guztien probek negatibo eman dute momentuz. Egun gutxi barru egingo zaie bigarren testa, eta ostera  ere negatiboa izatekotan ikastetxera bueltatu ahal izango dira. Zuzendaritza kexatu egin da ordezko irakaslerik ez dietelako bidali, nahiz eta agintariek hitz ema zuten hala egingo zutela.

Deskoordinazioa salatu dute Ignacio Aldekoako arduradunek, "Osakidetzak etxean konfinatuta egoteagatik baja ematen baitu, eta Hezkuntza Sailak, aldiz, irakasleak etxetik lan egin dezakeela dioelako".  

Irakurle agurgarria:

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda. Horretarako, jarri gugaz harremanetan administrazioa@hiruka.eus helbidera mezu bat idatziz edo beheko botoiari sakatuz.


Izan zaitez HIRUKAlagun