Ertzaintzak hiru gizon atxilotu ditu gaur goizaldean Asuan, bertako enpresa batean lapurtu gura izatea leporatuta. Patruila batek atzeman ditu, hesi baien gainetik salto eginez instalazioetatik irteten zeuden momentuan.
EAEKo Segurtasun Sailak jakinarazi duenez, lapurreta-saiakera 02:30ak aldera izan da. Dei batek ohartarazi dio Ertzaintzari hiru gizon zeudela fabrika baten barruan. Hurbildu den patruilak bertatik irteten ari zirenean ikusi ditu, eta lehenik identifikatu eta ondoren atxilotu egin ditu. Epaitegiaren esku utziko dituzte datozen orduetan.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!