Erandioko Udalak antolatuta, ibilbide gidatu bi egingo dira zapatuan, urriak 3, Europako Ondarearen jardunaldiak direla eta, itsasadarraren ertzean iraganean izandako industria eta lanbideak ezagutzeko. Parte-hartzaileen kopurua mugatua izango da.
Lehenengo saioa 10:00etan hasiko da, Lutxanako metro-geltokian, eta bigarrena 12:00etatik aurrera egingo dute, Altzagako ontziralekutik abiatuta. Itsasadarraren ondoan izandako fabriken eta lanbideen gaineko azalpenak emango dituzte, gaztelaniaz.
Ibilbidera joateko, behargintza@erandio.eus helbidera idatziz izena eman beharra dago. Saio bakoitzean bederatzi parte-hartzaile onartuko dira gehienez.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
