"Kutsadurarik ez. Gure osasun eskubidearen alde!" goiburupean, gaur arratsaldean elkarretaratzea egitera deitu dute Erandioko hainbat elkartek. Urriaren erdialdean (ez lehenengo aldiz), Asua, Faoeta, Erandiogoikoa eta Arriaga auzoetan gehiegizko kutsadura dagoela salatu zuen Erandioko Auzokideok taldeak, gaurko mobilizaziorako deia egin dutenetako batek.
Erandiogoikoako eskolaren eta elizaren artean batuko dira gaur, 18:00etan, bertako Auzokoa elkarteak, ikasleen gurasoen elkarteak, Herri Bideak Kate Barik taldeak eta, aipatu legez, Erandioko Auzokideok-ek deituta.
Azken horren esanetan, enpresa jakin bat da partikula-kontzentrazio handien erantzulea: Befesa. "Erakundeei eta alderdi politikoei mezu bat bidali gura diegu, sei urtean hainbat salaketa jaso ostean zerbait egiteko garaia heldu dela aldarrikatzeko", azaldu zuten urrian.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
