Gidabaimena euskaraz ateratzeko eta euskarazko errotulaziorako dirulaguntzak

Erandioko Udalak 100 euroko dirulaguntzak emango die gidabaimena euskaraz ateratzen duten gazteei. Era berean, laguntza emango zaie euren negozioetako kartelak eta olanak euskara hutsean edo elebidun ipintzen dituztenei. Kasu bietan, abenduaren 23a izango da eskariak egiteko azken eguna.

Gidabaimenerako laguntzei dagokienez, 17 eta 23 urte bitartekoei emango zaizkie. Gainera, azterketa teorikoa euskaraz egiten duten herriko ikasleen artean 100 euroko erregai-txartela zozkatuko dute.

Bestalde, dirulaguntza emango zaie establezimenduetan, saltokietan, olanetan eta ibilgailu komertzialetan ipintzen diren errotulu berrietan euskara erabiltzen dutenei, baita helburu beragaz zaharrak aldatzen dituztenei ere. Errotulu berriak euskara hutsezkoak izan daitezke, edo euskara eta gaztelaniazkoak;  lehenengo kasuan dirulaguntza handiagoa jaso daiteke, %50 gehiago zehazki (gehienez ere 500 euro). Testuek Udalaren Euskara Zerbitzuaren oniritzia jaso beharko dute, eta ez dute balioko izen bereziek eta establezimenduaren jarduera zein den adierazten ez dutenek.

Informazio gehiago gura izanez gero Udal Euskara Zerbitzura jo daiteke:

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun