Erandioko Udalak Altzaga ikastolako atezaintzan enpresa pribatu bateko langilea ipini izana salatu du LABek

Erandioko Udalak "pribatizazioaren bidea" hartu izana salatu du LAB sindikatuak, Altzagako ikastolako Haur Hezkuntzan (Bekoa ikastetxean) enpresa pribatu bateko behargina ipini baitute atezain lanetan. "Argi adierazi nahi dugu eskola publikoan langile publikoak behar ditugula", gaineratu dute.

"Aldi baterako beharretarako lan-poltsak erabili daitezke, arazo barik", dio sindikatuak bidalitako oharrak. "Eta behar iraunkorretarako, lanpostu berriak sortu eta deialdi publikoak eginez bete beharko dira. Atal sindikalak erabat arbuiatzen du lanpostu publiko bat betetzeko enpresa pribatua erabiltzea, Erandioko gobernu-taldeak Altzaga ikastolan egin duen bezala". Udala zerbitzu publikoen pribatizazioan urratsak ematen dabilela salatu dute, honenbestez.

HIRUKA harremanetan jarri da udal-iturriakaz gai honen gainean zer iritzi duten galdetzeko, baina Udalak ez du adierazpenik egin gura izan.

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun