2020ko Lanbideren enplegua sustatzeko planen barruan dagoen tokiko ekintzetara bideratutako laguntzak baliatuz, 55 lanpostu betetzeko deialdia aurkeztu du Erandioko Udalak. Hauek dira deialdi honetan aurkeztutako lanpostuak eta behar diren langile kopurua:
-
Obretako peoia 24
-
Obretako monitorea 2
-
Administraria 1
-
Lorazaintza-peoia 11
-
Lorazaintza-monitorea 1
-
Arreta soziosanitarioa 2
-
COVID-19ko teknikaria 1
-
COVID-19 informatzaileak-aholkulariak 2
-
Etxez etxeko banatzaileak 2
-
Adineko pertsonak behatzeko langileak 4
-
Merkataritza-digitalizazioko teknikaria 1
-
Web-diseinatzailea 1
-
Dokumentu-kudeatzailea 1
-
Digitalizazio-administrariak 2
Lan aukeraketa prozesura aurkezteko baldintzak ere jarri dituzte:
- Langabea izatea, eta Erandion 2020ko abuztuaren 25a baino lehen erroldatuta egotea, eta Lanbiden lan-eskatzaile gisa inskribatuta egotea.
- Lanposturako eskatzen den titulazioa edo prestakuntza izatea, eta eskatutako lanpostuan inskribatuta egotea (Lanbide CVan). Kasu batzuetan, egiaztatutako euskara-maila baloratuko da, maila handiagoei lehentasuna emanez.
- Talde hauetako bat izatea:
- Diru-sarrerak Bermatzeko Errentaren titularrak edo onuraduna (DSBE)
- 55 urtetik gorakoak
- Emakumeak
- Laneratzeko zailtasunak dituzten gizataldeak: 35 urtetik beherakoak, 45 urtetik gorakoak, iraupen luzeko langabeak, COVID-19aren ondorioz lana galdu duten pertsonak edo gizarte-bazterketako arriskuan dauden pertsonak.
- Udalak ez kontratu izana 2018ko eta 2019ko enplegu planetan.
Aukeratutakoen behin behineko zerrenda abenduaren 21ean argitaratuko dute, eta behin betikoa 22an.