"Nahiko genuke parlamentariek arnastea eta usaintzea inguratzen gaituzten enpresetatik ateratzen den kea"

Igandean mobilizazioa egin zuten Erandio Goikoan lantegietako kutsadura salatzeko © ERANDIOKO EH BILDU

Inguruko lantegietako kutsaduraren ondorioz bizi duten egoera salatzeko, Erandiogoikoako auzokideek mobilizazioa egin zuten domekan, eta gaur Eusko Legebiltzarrera joango dira.

"Nahiko genuke guk arnasten duguna arnastea, bularrean opresioa nabaritzea eta begietako azkura izatea", adierazi zuten, Auzokoa Herriko Elkarteak eta Herri Bideak Kate Barik Elkarteak deituta, domekan egin zuten mobilizazioan. 150 pertsona inguruk beraien osasunerako eskubidea aldarrikatu zuten egun horretan, txalaparta, batukada, margolanak eta abestiak bezalako adierazpen artistikoak baliatuz.

Egoera hori salatzeko eta instituzioen inplikazioen bitartez konponbideak aurkitzeko, gaur Eusko Legebiltzarreko Jasangarritasun, Ingurumen eta Ingurune Naturalaren Batzordean egongo dira, EH Bilduren eskariz.

Auzokideek sei urte daramatzate Befesa lantegiaren zarata eta kutsadura salatzen, Udalaren eta Eusko Jaurlaritzaren aldetik inolako erantzunik jaso gabe. "Arazoa ez da bakarrik Erandio Goikoakoa bakarrik, herri osora zabaltzen da", azaldu zuten domekan egin zuten bateratzean. Auzorik kaltetuenak Erandio Goikoa, Asua, Astrabudua eta Arriaga diren arren, arazo hori herri osora zabaltzen dela zehaztu zuten.

Erlazionatuak

Udalerriko hainbat auzotako kutsadura handia salatu du Erandioko Auzokideok elkarteak

Erandio

Erandioko Auzokideok taldeak adierazi du gehiegizko kutsadura dagoela Asua, Faoeta, Erandiogoikoa eta Arriaga auzoetan, eta jakinarazi du atzo goiz...

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun