Eusko Jaurlaritzako Segurtasun Sailak jakinarazi duenez, bariku iluntzean, 23:00ak aldera, Ertzaintzako agenteek 25 pertsonako talde bat aurkitu zuten Erandioko Astrabuduko institutuan, botiloi bat egiten. Ertzainek, guztira, 94 zigor jarri zituzten, besteak beste, lau pertsona baino gehiagoko taldeetan batuta egoteagatik, alkohola kalean edateagatik eta etxeratze-agindua ez betetzeagatik. Gainera, salatutako 19 lagunek mugikortasun-murrizketak ere urratzen zituztela erantsi dute iturriek.
Ertzaintzak 25 pertsona salatu ditu Erandion kalean edateagatik
Astrabuduko institutuaren ondoan kale zurrut batean parte hartzen ari ziren 25 pertsonen aurkako 94 salaketa jarri zituen Ertzaintzak bariku gauean.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun