Elkarteak egindako lanari esker, Erandio futbol taldeko jokalariek eta talde teknikoak test antigenoak izango dituzte, eta, zapatu honetan, otsailaren 20an, txapelketara bueltatuko direla adierazi dute. Horregaz batera, federazioaren laguntzaren zain jarraitzen dutela azpimarratu dute, taldea ari baita ordaintzen astero egiten dituzten frogak eta egiaztapenak.
Bizkaiko Ohorezko Mailako taldeetako kapitainek babesgabetasun-egoera salatzeko idatzi bat sinatu zuten orain gutxi, eta osasun baldintzak bete arte txapelketara ez bueltatzea eskatu zuten horregaz. Bizkaiko Futbol Federazioak otsailaren 20-21eko aste-akabuan liga berriro hasteko asmoa zuela jakinarazi zuenean argitaratu zuten idatzi hori.