Erandioko Udalak galdeketa egingo die Karl Marx kaleko auzokideei, proposatu diren ideien artean zein gura duten jakiteko. Izan ere, Getxo eta Bilboko Kontsulatua kaleen arteko tartea oinezkoentzat egiteko asmoa du Udalak.
Erandioko Udalak prozesu parte hartzaile berri bat abiatu du, Karl Marx kaleko auzokideek hori oinezkoentzat nola jarriko duten erabaki dezaten. Horretarako, Udalak galdetegi bat bidaliko die proiektu ezberdinakaz.
Aitziber Oliban alkateak aukera ezberdinak daudela azaldu du: kotxerik gabekoa guztiz, partziala, asteburuetan edo ordu batzuetan bakarrik... "Horrela, 2019-2023 Aginte Planagaz jarraitzen dugu gune urbano irisgarriagoak sortzen", azpimarratu du.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!