2021eko udako kultur egitarauak

"Eureka Domeka!" kultur-zikloa antolatu dute irailerako Erandion

Gautxoriak Erandioko elkarteak iraileko domeketarako egitaraua antolatu du.

Iraileko domeketarako kultur-egitarau ederra prestatu du Erandioko Gautxoriak elkarteak. Azaldu dutenez, beraien asmoa herria biziberritzea eta euskara plazagaz lotzea da, eta, horretarako, musika, marrazketa eta bertsolaritza saioak egingo dituzte ibaiertzean, Gasolinoaren geraleku ondoan, 18:00etan.

Erandioko Gautxoariak elkarteak "Eureka Domeka!" kultur-zikloa antolatu du iraileko asteburuetarako. Ibaiertza izango da ekitaldien antzezlekua, herriko "malekoian", Gasolinoaren geralekuaren ondoan, egingo baitituzte jarduerak; domeketan izango dira, 18:00etatik aurrera. Euria eginez gero, Altzaga auzoko GazteTxokora mugituko dituzte saioak.

Azaldu dutenez, jarduera horien asmoa, "herria biziaraztea eta euskara plazarekin lotzea" da. Horretarako, prestatu dituzten berezitasunen artean, uretatik lurrera egingo den bertso-saioa dago: bertsolariak Gasolinoan ontziratuta egongo dira kantuan, eta ikusleak, aldiz, ibaiertzean egongo dira eserita. Lehen lerroko bertsolari eta gai-jartzaileakaz "ur eta lur" geratzea da antolatzaileen xedea.

Egitarauak honako data hauek izango ditu:

  • Irailak 5: MICE, Miren Narbaiza.
  • Irailak 12: marrazketa inprobisatua, Unai Iturriaga eta Dani Fanogaz.
  • Irailak 19: bertso-saioa, Nerea Ibartzabal eta Eli Pagola bertsolariakaz, eta Beñat Vidal gai-jartzaileagaz.
  • Irailak 26: Westfalia Txou System.

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun