Negozioak erakartzeko jarduerarik gabeko lokaletan biniloak jarriko ditu Udalak

Kanpaina honen bitartez, hainbat lokaletako atariak apaindu dituzte Erandion. © ERANDIOKO UDALA

Erandioko Udalak jarduerarik gabe eta salmentan edo alokatzeko prozesuan dauden hainbat lokaletan merkataritza-mugimendua simulatzeko biniloak jartzen jarraitzen du. 2020an hasitako jarduera horregaz, hutsik dauden lokalak identifikatu eta horietan merkataritza-jarduera sustatzeko helburua du Udalak.

Erandion, hutsik eta jarduerarik gabe dauden lokalen kanpoaldeko egokitzapenagaz jarraitzen du Udalak, hirigunea negozioentzako erakargarriagoa egiteko asmoagaz. Horretarako, salmentan edo alokairuan dauden erabilerarik gabeko lokaletako erakusleihoetan edo pertsianetan biniloak jarri dituzte, merkataritza-jarduera simulatzen duten irudiakaz.

"Beharrezkoa da hirigunea harremanetarako gunetzat hartzea, merkataritza-jardueraren garapena elementu erabakigarria baita haren konfigurazioan. Aldi berean, udalerria osatzen duen egitura sozioekonomikoaren gakoetako bat da zonako estrategiak garatzea, biziberritu beharreko inguruneei balioa emanez eta merkataritza-fluxuak erakartzera bideratutako jarduerak eginez", azpimarratu du Aitziber Oliban Erandioko alkateak.

Irakurle agurgarria:

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda. Horretarako, jarri gugaz harremanetan administrazioa@hiruka.eus helbidera mezu bat idatziz edo beheko botoiari sakatuz.


Izan zaitez HIRUKAlagun