Metroko 1. lineak atzerapenak izango ditu egunotan Erandion horma bat erori ondoren

Ander Zarraga 2022ko mar. 30a, 11:45
Deskargatu Info Ahotsak :
Español English Français Català Galego

Matroa artxiboko irudian.

Erandio eta Astrabudua geltokien artean dagoen horma baten erorketa partzialak atzerapenak eragin zituen atzo itsasadarraren eskuinaldea lotzen duen metroko 1. linean. Atzerapenak datorren astera arte luzatuko direla iragarri dute Metro Bilbaoko iturriek.

Metro Bilbaok zehaztu duenez, erorketatik, metroak bide bakarretik doaz tarte horretan, eta tren gehiagogaz maiztasuna handitu duten arren, zaila izango da atzerapenak berreskuratzea, bide bakarra baitago.

Sonia Palomino Metro Bilbaoko komunikazio zuzendariak Radio Euskadiri egindako adierazpenen arabera, hormaren egonkortze lanak ziren egiten, baina azkenean ez zuten hori finkatzea lortu eta erori egin zen. "Ez dio metroaren azpiegiturari eragin, baina, badaezpada ere, horma bidetik gertu dagoenez, zuhurragoa iruditu zaigu bide bakarra ezartzea eta erori den hormatik hurbilen dagoen bide-zatitik ez zirkulatzea", azaldu du.

Jendartea Erandio
Irakurle agurgarria:

HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.

Egin zaitez HIRUKAlagun eta gozatu euskaraz!


Izan zaitez HIRUKAlagun