Elikagaien higieneari buruzko modulua berrabiaraziko dute Erandion

CC BY SA-EPSOS.DE

Bazterketa-arriskuan dauden kolektiboentzako dieta osasungarrietako elikagaiak prestatu, manipulatu eta biltegiratzen ikasteko formazio-modulua abiatuko du Erandioko Udalak Caritas erakundeagaz elkarlanean. Maiatzaren 2ra arte eman ahalko da izena eta, amaitzean, parte hartzaileek elikagaien manipulaziorako txartela jasoko dute.

Langabezian eta bazterketa-arriskuan dauden 18 eta 50 urteen arteko 16 erandioztarrek parte hartu ahalko dute modulu horretan. Bekoa ikastetxeko udal-eraikinean emango duten ikastaroan 28 ordu beteko dituzte teoria eta praktikako ikasgaietan banatuta.

Aurreko edizioetako arrakasta dela eta, ikastaroa berriro errepikatzea erabaki dute; CODIV-19aren izurriteak eragindako geldialdiaren ostean, bosgarren aldia izango da hau.

Arloko delegatuak, Oscar Riosek azaldu duenez, "parte hartzaileei elikagaien manipulaziorako oinarrizko higiene formakuntza emateaz gain, lan munduan aukerak emango dizkien txartela ere jasoko dute ikastaroa bukatzean".

Irakurle agurgarria:

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda. Horretarako, jarri gugaz harremanetan administrazioa@hiruka.eus helbidera mezu bat idatziz edo beheko botoiari sakatuz.


Izan zaitez HIRUKAlagun