Bahia Levante izeneko itsasontzia Mureloil armadorearentzat eraiki dute Erandioko Murueta ontzioletan. Europan egiten den lehen propultsio hibridoko itsasontzia da, eta horri esker diesel eta baterien bidez energia biltegiratzeko sistema bat izango ditu, kutsadura eta soinua nabarmendun gutxituko dituena.Ontziolako arduradunek zehaztu dutenez, hidrokarburoen karga likidoak findegien eta kontsumo-puntuen artean garraiatzeko eta, hornidura-ontzia izanik, itsasontziak itsas zabalean erregai-andelak betetzeko aukera emango du.
Ontzi berriak 92,5 metroko luzera eta 18 metroko zabalera ditu, 7.800 metro kubikoko edukiera duten karga-tankeak eta 11 laguneko eskifaia hartzeko prest dago. Muruetako ontziolen bulego teknikoak diseinatu du itsasontzia Murueloil armadorearen bunkering-aren esperientziagaz, eta 2022ko abenduan entregatzea aurreikusi dute.
Apirilaren 20an egin zuten uretaratzean Arantxa Tapia Eusko Jaurlaritzako Ekonomiaren Garapen, Jasangarritasun eta Ingurumeneko sailburua eta Repsol, Cepsa, Trafigura, Nyala eta Stenaoil enpresetako arduradunenak egon ziren, besteak beste, ontziolak jakinarazi duenez.
Muruetako ontziolen 325. eraikuntza da Bahia Levante, teknologikoki aurreratuak dauden eta berrikuntza-osagai handia duten ontzien diseinuaren aldeko apustua sendotzen duena. Ontzi horiek energia-eraginkortasuna eta erregai berrien erabilera bilatzen dutela zehaztu dute arduradunek.