Erandioko instalazioen, ekipamenduen eta zerbitzuen erabilera arautzen duen ordenantza bateratu du Udalak

© ERANDIOKO UDALA

Erandioko Udalak eskaintzen dituen instalazioen, ekipamenduen eta zerbitzuen erabilera arautzeko  ordenantza onartu du Erandioko Udalak. Udal-iturriek azaldu dutenez, horren helburua da prozesuak sinplifikatzea eta herritarren sarbidea erraztea, "horien erabilera modu errazean bateratzeko eta egituratzeko eta aprobetxamendua optimizatzeko".

Udalak eskaintzen dituen zerbitzuen eta ekipamenduen irizpideak bateratzea eta berrantolatzeko helburua duen ordenantza berria onartu du Erandioko Udalak. Zehaztu dutenez, araudi berri horren bitartez herritarrentzako eremua osatzen duten udal-arlo guztiei dagozkien zerbitzuak emateko eta guneak eta ekipamenduak lagatzeko irizpideak bateratu gura izan dituzte. Horien barruan ez dira zerbitzu soziosanitarioak sartuko (San Jose etxea, eguneko zentroa eta etxez etxeko laguntza-zerbitzua), horien ezaugarriak espezifikoak baitira.

Prozesua irekia eta parte-hartzailea izan dela azpimarratu du Udalak, izan ere, ordenantza 2022ko ekitaldirako Urteko Araugintza Planaren barruan sartu zuten. Plan hori alkatetzaren 193/2022 dekretuaren bidez onartu zuten, eta gardentasunaren atarian eta Udalaren webgunean argitaratu zuten. Ondoren, aldez aurretik kontsulta publiko bat egin zen hura onartzeko beharrari edo komenigarritasunari buruz, eta, azkenik, ordenantzaren zirriborroaren edukia jakinarazi dute, udal-webgunean argitaratuz eta udalerrian erregistratutako elkarte guztiei posta elektronikoz bidaliz.

Espedientea jendaurrean jarriko dute 30 egunez, edozein interesdunek aztertu eta egoki iritzitako erreklamazioak, alegazioak edo iradokizunak egin ditzan. Jendaurreko epean erreklamaziorik edo iradokizunik aurkezten ez bada, erabaki behin betiko hartu dela ulertuko da.

Irakurle agurgarria:

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda. Horretarako, jarri gugaz harremanetan administrazioa@hiruka.eus helbidera mezu bat idatziz edo beheko botoiari sakatuz.


Izan zaitez HIRUKAlagun