Bilketak eta hautaketak maiatzaren 31ra arte iraungo dute, eta programa ekainaren 13an hasiko da. Laneratzea errazteko ekimenak 15 plaza izango ditu eskuragarri, eta prestakuntza espezializatuaren bidez, parte-hartzaileak berraktibatu eta motibatzeko zenbait baliabide erabiliz etorkizuneko itxaropenak dituzten lanpostuetara iristeko laguntza emango zaie.
Programan hainbat eremu landuko dituzte, hala nola oinarrizko gaitasun soziolaboralen prestakuntza, enplegua bilatzeko eta lana aktibatzeko prestakuntza eta benetako lan-esperientzia.
Lehen fase horrek Aktibatu izena du. Horren ardatza laneratzeko eta aktibatzeko laguntza da, banaka zein taldeka, gaitasun pertsonalak eta profesionalak eskuratzeko prestakuntza espezializatuagaz, zeharka ematen direnak askotariko lanbideetarako, pertsonaren alderdi integralak jorratuz: fisikoa, kognitiboa eta emozionala. Bestalde, lehen zati hori amaitutakoan, Kokatu izeneko bigarren fasea hasiko dute. Fase horretan, parte-hartzaile bakoitzak praktikak egingo ditu enpresa batean, lanbide-profilaren araberako lan-esperientzia lortzeko eta, horrela, lan-aukerak sustatzeko.
Programan Eusko Jaurlaritzak eta Lanbidek parte hartzen dute, Europako Gizarte Funtsak % 50ean finantzatzen du, eta Garapenek (Garapen Agentzien Euskal Elkartea) koordinatzen du, planteatzen diren pertsona eta enpresen eskaerei estaldura eskaintzeko, hain zuzen. Interesdunek informazioa eskatu eta izena eman dezakete, inolako kosturik gabe, hazilan1@erandio.eus helbidean.