Erandioztar gazteei zuzendutako "sexu kontziente" kanpaina aurkeztu dute

Udako jaietan zentzuz jokatzeko kanpaina aurkeztu dute Oscar Riosek eta Aitana Lópezek. © ERANDIOKO UDALA
Ekimen horren bitartez, udako festen inguruetan profilaktikoak banatuko dituzte, gazteen artean sexu-harremanetan babesteko beharraz eta, kasu guztietan, horiek baimenduak eta desiratuak izan behar direla kontzientziatzeko helburuagaz.

Erandioko Udaleko Osasun Publikoko arduradunak, Oskar Riosek, adierazi du gazteen artean sexu-transmisiozko gaixotasunek gora egin dutela azkenaldian, besteak beste, GIBa bezalako gaitzetarako tratamenduak hobeak izatean "biztanleria erlaxatu egin delako". Riosek gaineratu duenez, "tratamendu horien moduko albiste positiboek eragin dute kutsatzeko beldurra galtzearen ondoriozko gaixotasunen tasak gora egitea. Horregatik, gazteek beren burua babestearen garrantzia ezagutu dezaten laguntzen jarraitu behar dugu".

Zentzu horretan, uda honetan, Erandioko jai-inguruetan, profilaktikoak eta informazio-triptiko batek osatutako materiala banatuko dute gazteen artean: baginako harremanetarako kondoi batek, uzki-harremanetarako kondoi batek eta ahozko sexu-harremanetarako latexezko hesi batek osatuta egongo da kit hori .

Aitana López Berdintasunerako ordezkariordeak nabarmendu gura izan du baginako harremanetatik haratago sexua dagoela eta praktika guztiak seguruak izatea bultzatu gura dutela, baimendutakoak eta desiratutakoak izateaz gain. Ildo horretan, adierazi duenez, "erakundeetan gauden pertsonok sexu-indarkeriaren aurka borrokatu behar dugu, hezkuntza afektiboa azpimarratuz eta gogoratuz sexuan bai baino ez dela bai".

Irakurle agurgarria:

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda. Horretarako, jarri gugaz harremanetan administrazioa@hiruka.eus helbidera mezu bat idatziz edo beheko botoiari sakatuz.


Izan zaitez HIRUKAlagun