Ekainaren 22tik 26ra

Hainbat kirol praktikatzeko aukera egongo da egunotan Erandion

Ander Zarraga 2022ko eka. 21a, 10:26
Parte hartzen dutenek herriko taldeen laguntza izango dute kirolak praktikatzeko orduan.

Erandioko Udalak eta herriko kirol taldeek Kirol Astea antolatuko dute bihartik domekara bitartean. Horri esker udalerriko auzoetan piraguismoa, eskubaloia, abiadura-kirolak, futbola eta sokatira bezalako hainbat kirol praktikatzeko aukera emango dizkiete erandioztarrei. Jarduerak goizez, arratsaldez eta gauez egingo dituzte udalerriko toki ezberdinetan.

Herritarrek taldeka egingo den ginkanan parte hartzeko aukera ere izango dute, sei eta zortzi partaide bitarteko taldeak osatuz. Horien baldintza bakarra izango da taldekide guztien adinaren batuketak gutxienez 100 urtekoa izatea. Izena emateko webgunea eta partaideek egin beharreko kirol-jarduerak lotura honetan zehaztu dituzte.

Egitaraua

Ekainak 22, eguaztena:

  • 10:30 – 11:30 Mantentze-gimnasia (Obieta-Metro geltokiaren aurrean).
  • 12:00 – 13:00 Zunba txiki (Obieta-Metro geltokiaren aurrean).
  • 18:00 Hastapen-tailerra.
  • 18:30 Aurreskua (udaletxe plazan) Trabudu dantza taldearen eskutik.
  • 19:00 Abiadura irristatzeko erakustaldia (Basroller) Anton Fernandez eta Ramón Rubual (Altzagan).
  • 18:30 Judo eta Aikido, Judo Club Erandio (Irailaren 23a plazan).
  • 19:30 Kickboxing Chikara eta boxeo erakustaldia, Uppercut (Irailaren 23a plazan).

Ekainak 23, eguena:

  • 11:00 – 12:30 Arrantza (Altzagan) eta Tirolina (udaletxean).
  • 10:30 – 11:30 Mantentze-gimnasia (Mendiguren plazan, Astrabuduan).
  • 11:30 – 12:30 Zunba txiki (Mendiguren plazan, Astrabudua).
  • 13:00 – 14:00 Apar-jaia (Mendiguren plazan, Astrabudua).
  • 16:30 Eskupilota jarduerak (Bekoa-Frontoi-Altzagan) Tailerra Bizkaiko Eusko Pilota Federakuntzak eskainiko du.
  • 17:00 – 20:00 Goitiberen eta jaitsieren tailerra (Bekoan) Jaialdi inertzia kirol taldeak eskainita.
  • 17:00 – 19:00 Ohe elastikoak (Etxegorri-Astrabuduan).
  • 17:00 Basket 3×3 (Astrabuduko anbulatorian) Saskibaloia Erandio-Altzagaren eskutik.
  • 17:30 Open eskupilota (Bekoa-Frontoi-Altzagan) Tailerra Bizkaiko Eusko Pilota Federakuntza eskainiko du.
  • 17:30 Kickboxing (Astrabuduan) AKT-ren eskutik.
  • 19:00 Dantza erakustaldia (Etxegorri-Astrabuduan) CDART-ren eskutik.

Ekainak 24, barikua

  • 11:00 – 12:30 Arrantza (Altzagan).
  • 10:00 – 14:00 Piraguak RK Abentura.
  • 12:00 – 13:30 Aparjaia (Altzagan)
  • 11:00 – 18:00 Bombonera F. Athletic (Altzagan) Athletic Fundazioaren eskutik.
  • 16:30 Bombonera (3×3) (Altzagan) Athletic Fundazioaren eskutik.
  • 17:00 – 20:00 Skatepark erakustaldia (Astrabuduan) Fun Roller Riders-ek eskainita.
  • 17:00 Ur-joalasak (Kukularran).
  • 18:00 Arku-tiroa (Kukularran).
  • 18:00 Tiragomak (Kukularran).
  • 19:30 Igel-toka (Kukularran).

Ekainak 25, zapatua

  • 10:00 – 14:00 Piraguak RK Abentura.
  • 12:30 Piragua lasterketa (Altzaga kaian) RK Abentura.
  • 10:30 – 13:00 Xakea (Bekoan) Erandio Polikiroldegi Elkarteak eskainita.
  • 12:00 – 21:00 Athletic eguna (Mendiguren-Astrabuduan) Goitikok eksinita.
  • 16:00 – 20:00 Padel surfa Ekak eskainita.
  • 17:00 Erandioko selekzioaren eta Euskadiko futbol selekzioaren lagunarteko partida, (San Lorentzo-Astrabuduan) Kirol Egokituaren Euskal Federazioa, Astrabuduko, Erandio SD, Apurtuarte, Basamortu, Down Sindrome Fundazioa, Altzaga Ikastolak antolatuta.
  • 17:00 Molto GP (Kukularran).
  • 17:20 Bi gurpileko patineteen lasterketa (Kukularran).

Ekainak 26, domeka

  • 10:00 Duatlon txiki (Irailaren 23a plazan).
  • 10:00 14:00 Piraguak RK Abenturak antolatuta.
  • 10:00 – 13:00 Txakurrak (bilketa zerbitzuan).
  • 10:00 – 13:00 Ergometroak (Irailaren 23a plazan) Lutxana Arraun Elkartek antolatuta.
  • 10:00 – 14:30 Erromeria.
  • 11:00 Sokatira (Irailaren 23a plazan) Goiherri taldeak antolatuta.
  • 12:00 Herri kirolak (Irailaren 23a plazan) Bizkaiko Euskal Joko eta Kirol Federakundearen eskuti.
  • 13:00 Herri kirolak erakustaldia (Irailaren 23a plazan) Bizkaiko Joko eta Kirol Federakundearen eskutik.
  • 16:00 – 20:00 Padel surfa Ekak eskainita.

Kirolak Erandio
Irakurle agurgarria:

HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.

Egin zaitez HIRUKAlagun eta gozatu euskaraz!


Izan zaitez HIRUKAlagun