Gaurko deialdian salatu dutenez, "greba patronalaren jarreraren ondorio izan da; izan ere, FVEMek negoziazioa blokeatzen jarraitzen du, sektoreko langileak pobretzen dituen edukiak soilik eskainiz. Enpresek lan karga eta mozkin handiekin jarraitzen duten bitartean, KPIak kontrolik gabe jarraitzen du; patronalak, aldiz, uko egiten dio erosahalmena ziurtatzeari eta langileak pobretu egiten ditu".
Zentzu horretan, sindikatuak hitzarmenaren indarraldiko urte bakoitzean KPIaren araberako soldata bermatzea eskatu du, baita beste aldarrikapen batzuk ere, hala nola subrogazioa zabaltzea, prekarietatearen eta behin-behinekotasunaren aurkako neurriak hartzea, lanaldia murriztea, emakumeek sektorean jasaten duten diskriminazioaren aurkako neurriak, etab. Eduki horiek guztiak sindikatuen eta patronalaren arteko azken bileran eskatu zituztela gogoratu dute, eta gaurko manifestazioan berriro entzun dira Erandioko kaleetan.
Grebaren hurrengo egunei dagokienez, bihar, urriak 28, manifestazioa egingo dute Basaurin, 11:30ean. Azaroaren 2an, hitzordua Bilbon izango da, ordu berean.