Erandioztarrek 400 zuhaitz inguru landatuko dituzte Zuhaitz Eguna ospatzeko

Erredakzioa 2023ko martxoaren 1a
Deskargatu Info Ahotsak :
Español English Français Català Galego

Umeak zuhaitzak landatzen Akarlandan, Zuhaitz Egunean. © ERANDIOKO UDALA

Jado, Goikolanda, Ignacio Aldekoa eta Altzaga Ikastolako zentroetako Lehen Hezkuntzako 5. eta 6. mailako ikasleek hainbat haritz, gereziondo, urki eta eta pinu landatu dituzte bihar Akarlandan. Halaber, aste-akabuan familien txanda izango da, herritar guztientzako deialdi irekia egingo baitute domekan Zuhaitz Egunaren ospatzeko.

Akarlanda inguruan zuhaitz-kimuz beteko dute domekara bitartean. Zuhaitz Eguna baliatuz, 400 ale berri inguru landatuko dituzte Akarlanda inguruan. Bihar, martxoak 2, ikasleen txanda izango da eta domekan herritar guztientzako deialdia egingo dute.

Domekan, 11:00etan abiatuta, azalpenak izango dituen landaketarako ibilbide bat antolatu dute. Publiko guztientzako moduko ekintza izango da, eta, daborduko, ia 100 pertsonak eman dute izena; joan gura dutenek erandioea2030@gmail.com helbidera idatzi besterik ez dute egin behar.

Ingurumena Erandio
Irakurle agurgarria:

HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.

Egin zaitez HIRUKAlagun eta gozatu euskaraz!


Izan zaitez HIRUKAlagun