Altzagako metro-geltokia 1995eko azaoaren 11n inauguratu zuten eta Saenz de Oiza arkitekto nafarraren diseinua lurperatuta dagoen lineako lehen geltokia izan zen. Orain, Aaron Diego artistak Altzagako erdigunean dagoen eraikinari itxura berritua emango dio bere artalanagaz.
Artistak azaldu duenez, herria da diseinatzerako orduan izan duen kezka nagusia, izan ere, "herria da gizartea eraikitzen duena eta mundua aurrera mugitzen duena". Hori dela eta, Erandioko errealitate ezberdinak definitzen dituzten irudi batzuk irudikatuko ditu, hala nola esku erraldoiek gidatuta, "norabide berean tiraka talde-lana sinbolizatuko luketen irudiak".
Horma-irudi nagusiek herriko emakumeen ikur esanguratsu bi ere irudikatuko dituzte: berdintasunaren eta emakume kirolarien ikusgarritasunaren alde egiten Lutxana Arraun Elkartearen trainerua eta itsasadarrean kargatutako ontzietatik tiraka idi-lana egiten zuten zirgariak.
Horregaz batera, Erandioko elementu bereizgarriak ere irudikatuko ditu: trainerua, kukaina, landetako bizimodua eta errealitate oso sakabanatuak: itsasadarra, mendia, modernitatea eta landa-eremua.
Aitziber Oliban Erandioko alkateak azaldu duenez, "Nerbioi itsasadarrean urte askoan garatu zen antzinako lanbidea da zirgariena; era berean, azaltzen du emandako informazioak lagundu egingo diela gazteei, batez ere, egungo konkista sozialak lortzea zenbat kostatu den ulertzen".