Liburuez gozatzeko egun aproposa izango da biharkoa Erandion. Batetik, Josu Murueta plazan eta Altzagako metro-geltokian liburu-azokak egingo dituzte goizez zein arratsaldez, eta, bestetik, irakurleen kluba 19:00etan elkartuko da Altzagako liburutegian. Oraingoan, Iñigo Astizek gidatutako irakurzaleentzako hitzorduan Koldo Almandoz eta Aritz Trueba sortzaileen Natasha komikiari buruz arituko dira.
Auzo erandioztarrak liburuen erakusleiho bihurtuko dira bihar goizez zein arratsaldez egingo dituzten liburu-azokei esker. Ekimenak izaera solidarioa izango du, Erandioko Sahararen aldeko Nishma Elkartearen alde egingo baita. Gainera, arratsaldean, 19:00etan irakurleen kluba ere batuko da Altzagako liburutegian.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun