Erasoa zapatuko goizaldeko lau eta erdiak aldera gertatu zen Erandioko diskoteka baten kanpoaldean. Gertakizunaren lekukoek dei bidez jakitera eman zutenez, gizon bat auto batetik jaitsi eta beste bat atzetik jo zuen Erandion kokatuta dagoen ostalaritza-lokaleko aparkalekuan.
Segurtasun Sailaren arabera, erasotzaileak biktima buruan jo zuen metalezko barra bategaz, eta lurrean konorterik gabe utzita bere autoan ihes egin zuen. Adierazitako lekura hurbildu ziren Ertzaintzako agenteek erasoaren lekuko batzuegaz hitz egin zuten, eta horiek erasotzailearen eta ihes egiteko erabili zuen autoaren deskribapena eman zieten.
Osasun-langileek biktima artatzen zuten bitartean, agenteek egiaztatu ahal izan zuten autoaren titularra Barakaldon bizi zela., eta erasoaren polizia-alerta jo ondoren, Udaltzaingoaren patruila batek Barakaldoko Lutxana auzoan geldiarazi duen zuen auto susmagarria. Ertzaintzak 21 urteko gizonezko ustezko erasotzailea atxilotu zuen, eta polizia-egoitzara eraman zuen beharrezko polizia-eginbideak betetzeko. Horiek amaitutakoan, atxilotua agintari judizialaren eskuetan jarri zuten. Biktima Gurutzetako ospitalera eraman behar izan zuten, zauri larriak baitzituen.