Erandioko Udalak Gasolinoagaz lankidetzan hainbat irteera gidatu antolatuko ditu itsasadarra ezagutzeko. Bisitak itsasadarrean gora zein behera egingo dituzte eta bi orduko iraupena izango dute; gainera, gidaren azalpenak elebidunak izango dira, euskaraz zein gazteleraz.
Hemendik aurrera egingo dituzten bisita gidatuak uztailaren 8an hasiko dira eta Bilbora noranzkoan egingo dituzte honako data hauetan: irailak 9, irailak 23 eta urriak 7. Aldiz, Abrara noranzkoan irteera bakarra egingo dute urriaren 14an. Bisita gidatuak 12:00etatik 14:00etara izango dira eta 30 bidaiarientzako edukiera izango dute.
Txangoek zortzi euroko prezioa izango dute, baina 18 urtetik beherakoek 3 euro ordaindu beharko dituzte eta lau urtetik beherakoak doan joan ahalko dira. Izen-emateak turismoa@erandio.eus helbidearen bitartez egin beharko dira.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun
