Goiherri auzoko bizilagunek eta Erandioko agintariek omenaldia egin diete aurreko astean Suitzako Sursee herrian egin zen Munduko Sokatira Txapelketan parte hartu zuten kirolariei. Sokatiralariak taldeka zein Euskal Selekzioagaz parte hartu zuten lehiaketan eta orotara sei domina eskuratu zituzten.
Goiherri-Abadiñoko 23 urtez azpiko neskek zilarra lortu zuten 500 kiloko kategorian eta Goiherri-Abadiñoko 23 urtez azpiko talde mistoak brontzezko domina eskuratu zuen 560 kiloko kategorian.
Guztira, Euskal Herriko ordezkariek sei domina eskuratu zituzten txapelketan: Taldeka lau domina irabazi zituzten, zilarrezko bi eta brontzezko beste bi, eta selekzioka beste bi zilar lortu zituen Euskal Selekzioak.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!