Martxoaren Zortziak emakume kirolariak ikusarazteko eguna egin du Lutxana Arraun Elkarteak

Ander Zarraga 2023ko abe. 7a, 18:07

Aurreko azaroaren 26an, Martxoaren Zortziak seigarren estropada antolatu zuen Lutxana Arraun Elkarteak, emakume kirolariak aldarrikatzeko ekitaldia, hain zuzen ere. Egun horretan, zortzi arraun-taldetako adin guztietako emakumeek parte hartu zuten itsasadarrean egin zen batelen estropadan.

Martxoaren Zortziak aldarrikapenerako eguna dela azaldu dute Lutxana Arraun Elkarteko kideek, "emakume kirolariak ikusarazteko eguna", hain zuzen ere. Gainera, jardunaldia azaroaren 25aren ostean egin zuten, eta Emakumeen aurkako Indarkeria Ezabatzeko Nazioarteko Egunaren leloagaz ere bat egin egin zuten bertaratutakoek. 

Ekimenean adin eta talde askotako arraunlariek parte hartu zuten itsasadarrean egin zuten batelen estropadan. Zehazki, Lutxana Arraun Elkartea, Arkote Arraun Taldea, Mundakako Arraun Taldea, Santurtziko Itsasoko Ama Taldea, Portugalete San Nicolas Arraun Taldea, Deustu Arraun Taldea, Ondarroa Arraun Elkartea, Getxo Arraun Taldea eta Castreña Arraun Taldeko kideek parte hartu zuten, besteak beste. 

Horiez gain, aurten egin duten seigarren edizioan Getxoko Kayaka taldeko arraunlariek ere parte hartu zuten. Gure artean ezohikoa den arraun mota horretan, Dragon Boat izeneko batelak dragoi baten burua du aurreko aldean, eta arraunlarietako batzuk minbizitik bizirik atera diren emakumeak dira. 

Argazkiak Lutxana Arraun Elkarteak emandakoak dira.

Irakurle agurgarria:

HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.

Egin zaitez HIRUKAlagun eta gozatu euskaraz!


Izan zaitez HIRUKAlagun