Zehaztu dutenez, lehen fase honetan Iturribengoa Zeharkalearen eta Lubarriko elkargunearen artean egindako esku-hartzerako ia 1,4 milioi euro baino gehiagoko inbertsioa egin dute, zehazki, 1.392.228,46 euro, BEZa barne.
Hasiera batean aurreikusitako 1.160.874 euroko hasieran planteatutako prezioari 231.354,46 gehitu behar izan dizkiote ur-hornidura sarea birjartzeko, egoera txarrean baitzegoen, eta horrek asko luzatu ditu kostuak eta gauzatzeko epeak.
Obrek zera egin dute: jarduketa-eremuko zoladura erabat berritzea; dauden espaloiak handitzea; bizikletentzako lehentasuna izango duen erdiko errei bat prestatzea; saneamendu-sareak, argiteria publikoa, ur-hornidura, gas naturaleko eta telekomunikazioetako sareak egitea; landaredia landatzea; aireko elektrizitate- eta telefono-lineak lurperatzea; hiri-altzarien elementuak berritzea; aparkalekuak egitea eta seinale bertikalak berritzea.
Une honetan, Udalak hurrengo bi faseei hasiera eman edo auzoari denbora batez "arnasa hartzen utzi" behar ote zaion planteatzen ari da, datozen egunetan hasiko baitira Josu Muruetaren ingurua egokitzeko lanak. Hain zuzen ere, hurrengo faseetan, Mesok Lubarrigaz duen elkargunetik Aldaietabidearaino eta Anbulatorioraino eta Ignacio Aldekora joateko irteeraren jarraipeneraino jarraitu beharko lukete lanek.