Batetik, 18:00etan, Gizarte Unamaz Alkartuak antolatutako ekialdeko hiru pertsonaien etorrera Axpeko ontziralekuan hasiko da, Errege Magoak itsasontziz helduko baitira Astrabuduara, gero, auzoko kaleetatik elizaraino joateko. Arkupean, umeei harrera egingo diete eta bertaratzen direnek txokolatada eta Gabonetako kontzertua izango dituzte.
Horrez gain, Altzagako Jado ikastetxeak antolatuko duen kabalgatak ohiko ibilbidea izango du Altzagako kaleetatik, 18:30etik aurrera. Jadon bertan bukatuko dute, umeek euren gutunak eman ahal izateko eta parte hartzaileentzako txokolatea ere egongo da.