Mehatxu faxisten aurkako elkarretaratzea egingo dute bihar Erandion

Ander Zarraga 2024ko urt. 11a, 09:07
Altzagako kaleetan hainbat pintaketa faxista egin zituzten aurreko abenduan. © GEDAR

Azkenaldian, Erandioko kaleetan hainbat pintada faxista egiteaz gain, sare sozialen bitartez faxista batek irain eta mehatxu larriak egin ditu hainbat erandioztarren aurka, besteak beste, EH Bilduko kideen aurka. Gertakari horiek salatzeko eta mezu eta ideia horiek lekurik ez dutela aldarrikatzeko, barikuan, 20:00etan, elkarretaratzea egingo dute Altzagako metro-geltokian.

Sare sozialen bitartez egindako deialdian zera aldarrikatu dute: "Azken asteotan Erandion hainbat pimtaad faxista agertu dira. Honi, orain gehitu behar diogu azken egunetan sareetan zabaldutako bideo bat. Bertan faxista batek irain eta mehatxu oso larriak bota zituen". Gertakizun horiek gaitzesteko deialdia egiteagaz batera, zera azpimarratu dute: "Honen aurrean erantzuteko ordua heldu dela uste dugu. Horrelako mezu eta ideiek ez dutelako lekurik ez Erandion ez inon".

Politika Erandio
Erlazionatuak
Hainbat pintada faxista egin dituzte Erandioko kaleetan
Hainbat pintada faxista egin dituzte Erandioko kaleetan

Ander Zarraga 2023 abe 13 Erandio

Irakurle agurgarria:

HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.

Egin zaitez HIRUKAlagun eta gozatu euskaraz!


Izan zaitez HIRUKAlagun