Astrabuduko kiroldegian fitness areto berria ireki dute

Erredakzioa 2024ko ots. 6a, 16:34
Alkatea eta kirol zinegotzia Astrabuduko kiroldegiko makina berriak aurkezten. © ERANDIOKO UDALA

Daborduko erabilgarri dago Astrabuduko kiroldegiko fitness areto berria. Bertako makinak berritzeagaz batera, Udalak ariketa kardiobaskularra eta muskulaziokoa egiteko tresna aproposak jarri ditu. 

Azpimarratu dutenez, "erabiltzaileek azken belaunaldiko ekipamendua izango dute datozen lau urteetarako"; izan ere, epe horretarako sinatu dute kontratu berria, eta horri esker makinen mantentze-lanak, laguntza teknikoa, eta entrenamenduak kudeatzeko softwarea ere eskainiko ahalko dute.

Horrelako aldaketa esanguratsuak izango dituen hurrengo kiroldegia Altzagakoa izango da, otsailaren 7an berrikuntza-lanetarako itxi baitute bertako gimnasioa.

Irakurle agurgarria:

HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.

Egin zaitez HIRUKAlagun eta gozatu euskaraz!


Izan zaitez HIRUKAlagun