Itsasadarrak gainezka egin du Erandion

Ander Zarraga 2024ko ots. 12a, 10:15
Gaur goizaldean, itsasgoraren eraginez itsasadarreko ura Obieta kaletik sartu da. © ERANDIOKO HERRI BABESA

Itsasgoragaz batera, 06:10ean, Bilboko itsasadarraren maila asko igo da eta gainezka egin du hainbat puntutan, tartean, Altzagan, non ura Obieta kaletik indarragaz sartu den. Aldez aurretik, Eusko Jaurlaritzako Segurtasun Sailak abisu horia emanda zuen 05:00etatik 07:00etara 5,19 metroko mareagatik.

Erandion, Altzagako hainbat kaletatik sartu da itsasadarreko ura eta BI-711 errepidean ere eragozpenak sortu ditu trafikoan. Larrialdi zerbitzuek eta herritarrek kutxatilak zabaldu behar izan dituzte ura etxabeetara sartzea galarazteko.

Leioan ere arazoak egon dira, besteak beste Udondon. Daborduko egoera normaltasunera bueltatu da itsasbeheragaz urek atzera egin dutenean. 

Jendartea Erandio
Irakurle agurgarria:

HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.

Egin zaitez HIRUKAlagun eta gozatu euskaraz!


Izan zaitez HIRUKAlagun